Post by Tess Esureña-Yabut on Jan 23, 2008 13:38:24 GMT 7
Hale tabi ini kay Ross Iglesia, pigpost ko ta makaolok...hehehe
;D ;D ;D
SA LAOG KI DIKIT NA ORAS LINGAWAN TA NGONA AN MGA KARIRIBOKAN SA MUNDO, Iyu?
OTROHON TA AN PAGGIROMDOM KAIDTONG PANAHON - MATONINONG PA AN PALIBOT.
Aram ta kaidto bako pang moderno an mga facilidad, dae pang computers, internet, cellphone o kung anu-anong mga gadgets...
Si Mamay an yaon PIRMI sa harong pag minaabot kita hale' sa eskuwelahan. Si Papay an nasa luwas para maghanap ki ikabubuhay.
Daing kudal buda gate an mga harong sa pagtaraning. Kun igwa man, tinanom na kalunggay o gumamela. Kun bako man diit na saringsing sana. Puwedeng iwalat an awto maski sa bakong kamidbid. Maski daing lock an mga jeep na owner kaidto, dai man nawawara.
Diyes sentimos sana an balon sa eskuwela: singko pagkaaga, singko sa hapon. Dai pigbabakal an tubig. Puwede ka pang makiinom sa bako mong kamidbid.
Igigalang ta ki marhay an mga maestra buda maestro kan iskwelahan. Grabe na an kaso mo pag pinaapod ka sa Principal's Office. Dakulaon na kasosopgan kun ika bagsak sa exams.
Simple sana an mga ambisyon: magtapos kan pag-adal, mag-agom asin mapatapos an mga aki sa saindang pag-adal.
An mga kawatan kaidto kadaklan sadiring gibo. Bihira an pigbabakal. Turo-truck na hale sa lata kan Rosebowl o kun bako man su lata kan sadit na Darigold an ruweda. "Sketeng"(scooter) na bearing, maribukon an mga ruweda, de-sinkong pako para sa preno; Tinultog an tansan para igwang loho sa tahaw na susurokan kan torsido. Dai nakikilabot an mga gurang sa mga kawat kan aki. Siyempre kawat man sana baga. Dai pa nauso an “counter strike” buda “game boy”. An mga karawat dakul an puwedeng umentra: lastiko, bingkay, turumpo, dyolen, taratsian, an kurukuwarta iyo an kaha kan Philip Morris, Malboro, Champion (kahon-kahon kaidto!). Kan mga aki pa baga kita, an karawat ta kaidto su turubigan pag igwang bulan. Su iba man enjoy na kan taraguan. Kan dai pang kuryente sa mga baryo, nagkakatiripon an mga daraga buda soltero. Pag igwang bulan, nagkakaigwang biglang “night life”. Makurundisyon na iluwas an lusong buda an ha’lo para sa rulubakan. Uy, dai na nindo aram an linubak? Piglalabok baga an balingoy sagkod na marunot, tapos kikagan ki mantikilya, asukar buda kinudkod na niyog. Kun may suru-sobrang kuwarta, minabakal ki “peanut butter”. Nauuso man kaidto an mga pabayle lalo na mga baryo-baryo kun nagsi-celebrar kan kapiyestahan. Nagkakawat ka man kan turo-tindahan. Kun ano-anong patos ki dulce an paninda, o kaya harong-harong na gibo sa mga lumang sako.
Pag grabe an kaduratan sa kawat, napapakol kita tapos, sabay istorya ni May kan mga katatakutan na kun dai kita matultol, sasakluton daa kita kan aswang, ngeeeh! Kan taranglay na kita, pahingalo ki diit, malabar, mapreparar kan higdaan, masabit kan moskitero, marulukso sa katre.
Kun may sala kitang ginibo, tarakuton mabadulan kan tumagiktik na badas, o kaya kan paha ni Pay. Su iba satuya nagkakaag ki karton sa lubot tanganing dai nakukolgan.
Minsan kaidto, maski ruloho na an tsinelas nasusulog ta pa. Siyempre ta medyo tikapo an pagkabuhay. Tios ki diit pag abot sa mga ibang luho. Natanaan mo nang magtinda ki “ice candy”, “ice drop” o pandesal? Dai kita nasusupog na may makahiling satuya na nagtitinda ki balaw o sira sa saudan.
Ngunyan, kadakul na an pigtatakutan. Dakul an nagagadan, nakikidnap, nagdadakul man an mga “addict” buda an mga “teenagers” na naiimbuwelto sa mga bakong marhay na gibo. Dai na bagang pigtatakutan. Kan sinda nagdadarakula, nasa “abroad” an mga magurang na grabe an pagdecider na matawan ki marhay na futuro an mga aki.
Kaidto tarakuton kita sa mga magurang ta, pati na sa mga lolo, lola. Pero ngunyan aram ta na namomotan palan kita kaya habo nindang maparaot kita. Sinda palan an mas nakukulugan kun kita napapakol.
Balikan ta giraray an mga nakaaging aldaw. Ba'go pa nagkaigwa ki “internet”, “computer” buda “cell phone”. Dai pa uso an “text messaging” kaya kuntento ka na sa pakiat-kiat kan labidabs mo. Kun medyo makusog an boot, sasabayan ka maglakaw sagkod sa may riles. Siisay na ngani su “crush” mo sa BUHS?
Bako kaidto dai pang mga drugs buda mall? An tambayan kan mga estudyanteng nagka-cutting classes duman sa likod kan grandstand. Suru-sigarilyo, inom-inom ki “gin”.
Duman sa gilid kan salog o sapa ta piggibo an “picnic”. Kun harayo sa salog, puwede man duman sa maniyog sabay kaon ki lumbod.
Ugmahunon baya' kita pag nanggana si Pay sa bulang! Igwa kitang masiram na isira sa lamesa.
Sa karaonan baga type na nagkakamot, lalo na kun medyo kaipuhan tang haleon an arikorong o dugi kan pigkakakan tang sira. Imagine mo kun kasag o alimango an pigkakaon mo tapos de kutsara ka?
Kan high school kita enjoy kita kan mirindalan na nababakal sa mga naglilibot. Yaon an sinapot, kalingking, tabog-tabog, biniribid, bayukbok, balisongsong asin iba pa. Dai pa an mga “fastfood chains” na arog kan Jollibee, Chowking o McDo.
Kun elementary pag ma-recess, mabakal na sana ki galletas o turo-talinga na nakaag sa garapon. Kun may oli, puwede pang ibakal ki Vicks kendi may libre pang singsing.
Narumduman ko si Lola Bina kan pigsusugo niya ako. Magbakal daa ako ki “puriko”. Dai ko na nadadangog na pigsasambit an “puriko” ngunyan.
Kun dai kang ibang isira, masiramon an kamatis na pigrunot sa maluto kasabay kan piniritos na tinapa o badi. Kun minsan sa sobrang excitement nagkukuropsit na su kamatis tapos nagtaralsik na sa mata kan kataning mo sa lamesa. Uyugon mo baga an!
Kasiram kan baligang na linugo sa asin o kaya sa asukar. Nagbuburunga pa kaya an mga thingy kaini?
Dai pa kita kaidto nakatana kan halo-halo sa Icebergs, Digman o Chowking. Kuntento na kita sa kinuskos na yelo na may gatas buda asukar.
An rulipstick ta papel de hapon; an mga lalaki labaha an pigagamit para sa “white-side-wall” na gunting
An kurtina kan harong ginansilyo pa ni Lola. An punda, tamong buda mantel pig-aarmidol pa. Kan enot baga, su paldang “cotton” pig-aarmidol man. Pigrireklamo kita ni May ta an kuwelyo daa kan bado pirming maation. An manggas kan bado iyo pa an pigpapahidan kan daplos o kun minsan pati ngani kan sipon. Bakong iyo?
Narumduman mo na kaidto kita pig-aasign na naglilinig kan mga classrooms? Nagdadara kita ki lampaso, sigid, samod, dahon kan palomaria o madre cacao o kun minsan dahon kan batag? Taod-taod napapaduman sa karawat. Pigguguyod su nakatungtong sa lampaso. Hala, sige kita kan kaduratan.
Maogmang pag-isip-isipon, bakong iyo?
Dai pa ki “calculator” kaidto pero memoryado ta an “multiplication table”.
Dai nang maarog pa kan mga nakaaging panahon. Maogma kaidto.
Maogma kitang nag-iiribanan, baranga-banga sa kaonon. Nauubos an oras sa daing katapusan na iristoryahan, igwa kitang oras sa kada saro.
Su tugang ta na makauuyam iyo an pig-aapod ta kun nasa trobol kiita. Si May dai nangangaturog kun may kalintura kita. Nakaabang an skyflakes saka an Tru-Orange sa kataning kan higdaan.
Sa modernong buhay ta ngunyan naiisip ta na simple man sana an buhay kaidto pero maogma kita.
Kun puwede kuta'nang ibuwelta.
Kun naroromduman mo ini, nabuhay ka sa katoninongan.
Mapusta ako, napapaolok ka kan pigbabasa mo ini, bakong iyo?
;D ;D ;D
SA LAOG KI DIKIT NA ORAS LINGAWAN TA NGONA AN MGA KARIRIBOKAN SA MUNDO, Iyu?
OTROHON TA AN PAGGIROMDOM KAIDTONG PANAHON - MATONINONG PA AN PALIBOT.
Aram ta kaidto bako pang moderno an mga facilidad, dae pang computers, internet, cellphone o kung anu-anong mga gadgets...
Si Mamay an yaon PIRMI sa harong pag minaabot kita hale' sa eskuwelahan. Si Papay an nasa luwas para maghanap ki ikabubuhay.
Daing kudal buda gate an mga harong sa pagtaraning. Kun igwa man, tinanom na kalunggay o gumamela. Kun bako man diit na saringsing sana. Puwedeng iwalat an awto maski sa bakong kamidbid. Maski daing lock an mga jeep na owner kaidto, dai man nawawara.
Diyes sentimos sana an balon sa eskuwela: singko pagkaaga, singko sa hapon. Dai pigbabakal an tubig. Puwede ka pang makiinom sa bako mong kamidbid.
Igigalang ta ki marhay an mga maestra buda maestro kan iskwelahan. Grabe na an kaso mo pag pinaapod ka sa Principal's Office. Dakulaon na kasosopgan kun ika bagsak sa exams.
Simple sana an mga ambisyon: magtapos kan pag-adal, mag-agom asin mapatapos an mga aki sa saindang pag-adal.
An mga kawatan kaidto kadaklan sadiring gibo. Bihira an pigbabakal. Turo-truck na hale sa lata kan Rosebowl o kun bako man su lata kan sadit na Darigold an ruweda. "Sketeng"(scooter) na bearing, maribukon an mga ruweda, de-sinkong pako para sa preno; Tinultog an tansan para igwang loho sa tahaw na susurokan kan torsido. Dai nakikilabot an mga gurang sa mga kawat kan aki. Siyempre kawat man sana baga. Dai pa nauso an “counter strike” buda “game boy”. An mga karawat dakul an puwedeng umentra: lastiko, bingkay, turumpo, dyolen, taratsian, an kurukuwarta iyo an kaha kan Philip Morris, Malboro, Champion (kahon-kahon kaidto!). Kan mga aki pa baga kita, an karawat ta kaidto su turubigan pag igwang bulan. Su iba man enjoy na kan taraguan. Kan dai pang kuryente sa mga baryo, nagkakatiripon an mga daraga buda soltero. Pag igwang bulan, nagkakaigwang biglang “night life”. Makurundisyon na iluwas an lusong buda an ha’lo para sa rulubakan. Uy, dai na nindo aram an linubak? Piglalabok baga an balingoy sagkod na marunot, tapos kikagan ki mantikilya, asukar buda kinudkod na niyog. Kun may suru-sobrang kuwarta, minabakal ki “peanut butter”. Nauuso man kaidto an mga pabayle lalo na mga baryo-baryo kun nagsi-celebrar kan kapiyestahan. Nagkakawat ka man kan turo-tindahan. Kun ano-anong patos ki dulce an paninda, o kaya harong-harong na gibo sa mga lumang sako.
Pag grabe an kaduratan sa kawat, napapakol kita tapos, sabay istorya ni May kan mga katatakutan na kun dai kita matultol, sasakluton daa kita kan aswang, ngeeeh! Kan taranglay na kita, pahingalo ki diit, malabar, mapreparar kan higdaan, masabit kan moskitero, marulukso sa katre.
Kun may sala kitang ginibo, tarakuton mabadulan kan tumagiktik na badas, o kaya kan paha ni Pay. Su iba satuya nagkakaag ki karton sa lubot tanganing dai nakukolgan.
Minsan kaidto, maski ruloho na an tsinelas nasusulog ta pa. Siyempre ta medyo tikapo an pagkabuhay. Tios ki diit pag abot sa mga ibang luho. Natanaan mo nang magtinda ki “ice candy”, “ice drop” o pandesal? Dai kita nasusupog na may makahiling satuya na nagtitinda ki balaw o sira sa saudan.
Ngunyan, kadakul na an pigtatakutan. Dakul an nagagadan, nakikidnap, nagdadakul man an mga “addict” buda an mga “teenagers” na naiimbuwelto sa mga bakong marhay na gibo. Dai na bagang pigtatakutan. Kan sinda nagdadarakula, nasa “abroad” an mga magurang na grabe an pagdecider na matawan ki marhay na futuro an mga aki.
Kaidto tarakuton kita sa mga magurang ta, pati na sa mga lolo, lola. Pero ngunyan aram ta na namomotan palan kita kaya habo nindang maparaot kita. Sinda palan an mas nakukulugan kun kita napapakol.
Balikan ta giraray an mga nakaaging aldaw. Ba'go pa nagkaigwa ki “internet”, “computer” buda “cell phone”. Dai pa uso an “text messaging” kaya kuntento ka na sa pakiat-kiat kan labidabs mo. Kun medyo makusog an boot, sasabayan ka maglakaw sagkod sa may riles. Siisay na ngani su “crush” mo sa BUHS?
Bako kaidto dai pang mga drugs buda mall? An tambayan kan mga estudyanteng nagka-cutting classes duman sa likod kan grandstand. Suru-sigarilyo, inom-inom ki “gin”.
Duman sa gilid kan salog o sapa ta piggibo an “picnic”. Kun harayo sa salog, puwede man duman sa maniyog sabay kaon ki lumbod.
Ugmahunon baya' kita pag nanggana si Pay sa bulang! Igwa kitang masiram na isira sa lamesa.
Sa karaonan baga type na nagkakamot, lalo na kun medyo kaipuhan tang haleon an arikorong o dugi kan pigkakakan tang sira. Imagine mo kun kasag o alimango an pigkakaon mo tapos de kutsara ka?
Kan high school kita enjoy kita kan mirindalan na nababakal sa mga naglilibot. Yaon an sinapot, kalingking, tabog-tabog, biniribid, bayukbok, balisongsong asin iba pa. Dai pa an mga “fastfood chains” na arog kan Jollibee, Chowking o McDo.
Kun elementary pag ma-recess, mabakal na sana ki galletas o turo-talinga na nakaag sa garapon. Kun may oli, puwede pang ibakal ki Vicks kendi may libre pang singsing.
Narumduman ko si Lola Bina kan pigsusugo niya ako. Magbakal daa ako ki “puriko”. Dai ko na nadadangog na pigsasambit an “puriko” ngunyan.
Kun dai kang ibang isira, masiramon an kamatis na pigrunot sa maluto kasabay kan piniritos na tinapa o badi. Kun minsan sa sobrang excitement nagkukuropsit na su kamatis tapos nagtaralsik na sa mata kan kataning mo sa lamesa. Uyugon mo baga an!
Kasiram kan baligang na linugo sa asin o kaya sa asukar. Nagbuburunga pa kaya an mga thingy kaini?
Dai pa kita kaidto nakatana kan halo-halo sa Icebergs, Digman o Chowking. Kuntento na kita sa kinuskos na yelo na may gatas buda asukar.
An rulipstick ta papel de hapon; an mga lalaki labaha an pigagamit para sa “white-side-wall” na gunting
An kurtina kan harong ginansilyo pa ni Lola. An punda, tamong buda mantel pig-aarmidol pa. Kan enot baga, su paldang “cotton” pig-aarmidol man. Pigrireklamo kita ni May ta an kuwelyo daa kan bado pirming maation. An manggas kan bado iyo pa an pigpapahidan kan daplos o kun minsan pati ngani kan sipon. Bakong iyo?
Narumduman mo na kaidto kita pig-aasign na naglilinig kan mga classrooms? Nagdadara kita ki lampaso, sigid, samod, dahon kan palomaria o madre cacao o kun minsan dahon kan batag? Taod-taod napapaduman sa karawat. Pigguguyod su nakatungtong sa lampaso. Hala, sige kita kan kaduratan.
Maogmang pag-isip-isipon, bakong iyo?
Dai pa ki “calculator” kaidto pero memoryado ta an “multiplication table”.
Dai nang maarog pa kan mga nakaaging panahon. Maogma kaidto.
Maogma kitang nag-iiribanan, baranga-banga sa kaonon. Nauubos an oras sa daing katapusan na iristoryahan, igwa kitang oras sa kada saro.
Su tugang ta na makauuyam iyo an pig-aapod ta kun nasa trobol kiita. Si May dai nangangaturog kun may kalintura kita. Nakaabang an skyflakes saka an Tru-Orange sa kataning kan higdaan.
Sa modernong buhay ta ngunyan naiisip ta na simple man sana an buhay kaidto pero maogma kita.
Kun puwede kuta'nang ibuwelta.
Kun naroromduman mo ini, nabuhay ka sa katoninongan.
Mapusta ako, napapaolok ka kan pigbabasa mo ini, bakong iyo?
