Kumusta su reunion?

[M.J.U.G]

Gusto ko man mag-atendir kan reunion dai ako nakaduman ta problema an pagpasiring sa Bicol. Mahal baga kaya an plete....

Kuta'na su mga nag-aratender mag-istorya lamang.....Bago pa sana akong nag-entra digdi sa forum. Gusto kong madangog su mga maogmang istorya.

Nagahalat ako ki maogmang istorya manungod kan reunion pero an nabasa ko makadurudisganar. Dai ko man pigbasa gabos na emails ta makulog sa mata pagbasahon.

Nata' ta nagapara-iriwal, nata' ta kaipuhan magkurulugan ki boot? Sa arog sakong dai ki personal na pakaaram kan mga issues dai na man gayud dapat na padarahan pa kan mga emails na mapula an mga letra.

[Malen]

Hello MJUG..

Dakulon ki maogmang istorya kan reunion, kaya sana kan mapuon na ako mag-istorya surunod-sunod su mga bakong maogmang pangyayari. Anyway, mahihiling mo man gayud duman sa mga retrato mi kun gura'no kaogma su ginibong reunion. Mahihiling mo palan su video sa main header kaining proboards. Maogmahon baga paghiling-hilingon su pagbayle ni Florife Millena saka ni Victorio "Tuyoy" Almeda, adi?

Dakul tabi an naghahapot kun siisay ka daa? Tabi man magpamidbid ka na samuya...