Post by Malen on Oct 2, 2006 16:20:40 GMT 7
Grabe man nanggad an danyos duman sa bagyo lalo na sa Sorsogon. Su biyahe kong naka-schedule kan Wednesday hale sa Sorsogon na-postpone baga dahil kan bagyong Milenyo.
Nagduman ako sa tugang ko na yaon sa Bibingcahan, burubitbit su mga maleta ta mala an paghona ko makalarga na ako pa-Manila kinabanggihan. Kan aga pa sana, grabe na su uran kan paghale ko sa Daraga. Ito palan nagpupuon na su bagyo. Sa kagurangan kong ini, su bagyong Milenyo an pinakamakusog na na-experiencia ko. Pagmate' ko gare may giyera ta su mga atop nagraralalayapan na. Su ba'gong tugdok na harong duman harani sa tugang ni hermana ilinayog baga su bilog na atop. Su kabanga yaon buminagsak sa natad ni hermana. Ay herak ki Mahal na Diyos, maray sanang dae tuminama sa bintana ta kun dae baha-on na duman sa laog kan harong. Bata' ngane grabe na su mga nagtataragdo sa kisame.
Kan pagkaaga, makamurumundo paghilingon su palibot. Puro turunglay su puon kan batag, barari su mga sanga kan mga kahoy. Su iba nakaturumba su bilog na puon. Kadakol na harong an nawaran ki atop!
Nagduman ako sa tugang ko na yaon sa Bibingcahan, burubitbit su mga maleta ta mala an paghona ko makalarga na ako pa-Manila kinabanggihan. Kan aga pa sana, grabe na su uran kan paghale ko sa Daraga. Ito palan nagpupuon na su bagyo. Sa kagurangan kong ini, su bagyong Milenyo an pinakamakusog na na-experiencia ko. Pagmate' ko gare may giyera ta su mga atop nagraralalayapan na. Su ba'gong tugdok na harong duman harani sa tugang ni hermana ilinayog baga su bilog na atop. Su kabanga yaon buminagsak sa natad ni hermana. Ay herak ki Mahal na Diyos, maray sanang dae tuminama sa bintana ta kun dae baha-on na duman sa laog kan harong. Bata' ngane grabe na su mga nagtataragdo sa kisame.
Kan pagkaaga, makamurumundo paghilingon su palibot. Puro turunglay su puon kan batag, barari su mga sanga kan mga kahoy. Su iba nakaturumba su bilog na puon. Kadakol na harong an nawaran ki atop!